प्रस, वीरगंज, २ वैशाख/
नेपाल आयल निगमले पेट्रोल, मटीतेल र डिजेलको मूल्य घटाएको छ । बुधवार साँझ बसेको नेपाल आयल निगम सञ्चालक समितिको बैठकले पेट्रोलमा प्रतिलिटर सात र मटीतेल तथा डिजेलमा प्रतिलिटर पाँच/पाँच रुपियाँ मूल्य घटाउने निर्णय गरेको हो । घटेको मूल्य बुधवार राति १२ बजेपछि लागू हुने नेपाल आयल निगमले जनाएको छ ।
यसअघि वीरगंजमा पेट्रोल प्रतिलिटर १७५ रुपियाँ ५० पैसा र डिजेल तथा मटीतेल प्रतिलिटर १५६ रुपियाँ ५० पैसा थियो । अब वीरगंजमा पेट्रोल लिटरको १६८ रुपियाँ ५० पैसा र डिजेल तथा मटीतेल लिटरको १५१ रुपियाँ ५० पैसा रहेको नेपाल आयल निगमका प्रवक्ता मनोज ठाकुरले बताए ।
