लायन्सद्वारा कपडा सहयोग

प्रस, वीरगंज, २७ पुस/

लायन्स क्लबका संस्थापक मेलविन जोन्सको १४६औं जन्मोत्सवको अवसरमा वीरगंजमा रहेका लायन्स क्लबहरूले संयुक्तरूपमा वीरगंज कपडा बैंकलाई कपडा सहयोग गरेका छन्। 

वीरगंज कपडा बैंकमा पुगेर लायन्सका पदाधिकारी सदस्यहरूले बैंकका सचिव कन्हैया पटेललाई आठ बोरा र १२ झोला कपडा सहयोग गरेका थिए। 

कपडा बैंकका अध्यक्ष लालबाबू सिंहको अध्यक्षतामा भएको कार्यक्रममा लायन्सका पिया सिंह, रीना जयसवाल, अनामिका अग्रवाल, अशोक बेरिवाल, सुशील साह, उमेश गुप्ता, अङ्कित चौरसिया, पियुष दारुकालगायतको सहभागिता थियो।