प्रस, वीरगंज, १३ असोज/
वीरगंज उद्योग वाणिज्य सङ्घका अध्यक्ष सुबोधकुमार गुप्तालाई फ्रान्सको पेरिसस्थित युरोपियन इन्टरनेशनल युनिभर्सिटीले ग्लोबल लिडरशिप एन्ड म्यानेजमेन्टमा “प्रोफेशनल डक्टरल सर्टिफिकेट”बाट सम्मानित गरेको छ । दुबईमा आयोजित कार्यक्रममा सङ्घका अध्यक्ष गुप्तालाई युनिभर्सिटीले सम्मान गरेको हो ।
अध्यक्ष गुप्ताले सामाजिक सेवा र संस्थागत तथा आर्थिक विकासको क्षेत्रमा पु¥याएको योगदानस्वरूप सो युनिभर्सिटीको मोनिटरिङ बोर्डले उनलाई सो सम्मान दिने निर्णय गरेको हो ।
नेपालका जिल्ला र नगर उद्योग वाणिज्य सङ्घ क्षेत्रबाट अध्यक्षको रूपमा सो सम्मान ग्रहण गर्ने गुप्ता पहिलो व्यक्ति हुन् ।
गुप्ता नेपाल उद्योग वाणिज्य महासङ्घका कार्यकारिणी सदस्य, नेपाल चामल, तेल, दाल उद्योग सङ्घका केन्द्रीय अध्यक्ष, नेउवामहासङ्घ बैंकिङ, फाइनान्स एन्ड इन्स्योरेन्स कमिटीका उपसभापति, नेउवामहासङ्घ प्रदेश नं २, नेपाल रेलवे माध्यमिक विद्यालय, वीरगंज र नेपाल रेडक्रस सोसाइटी, पर्साका सल्लाहकारमा सक्रिय भूमिका निर्वाह गर्दै आएका छन् ।
