गाँजासहित एकजना पक्राउ

प्रस, वीरगंज, २७ वैशाख/

जिल्ला प्रहरी कार्यालय पर्साले गाँजासहित मानिसलाई पक्राउ गरेको छ।

बहुदरमाई नगरपालिका–९ विश्रामपुरस्थित सोती कलवारको घरमा छापामारी गरी साढे ७० किलो गाँजा बरामद भएपछि निजलाई पनि पक्राउ गरिएको प्रहरीले बताएको छ।

सूचनाको आधारमा कलवारको घरमा छापामारी भएको र घरमा खाटमुनि बाल्टिनमा लुकाएर राखिएको अवस्थामा सो गाँजा बरामद गरिएको जिप्रका पर्साले जनाएको छ। बरामद गाँजा र मानिसलाई हिरासतमा राखिएको  र लागूऔषधमा मुद्दा दायर गरी कारबाई प्रक्रिया अगाडि बढेको प्रहरीले बताएको छ।