हनुमान जयन्तीको अवसरमा वीरगंज–६ महावीर मन्दिरमा यस वर्ष पनि आरती र प्रसाद वितरण कार्यक्रम भव्यरूपमा सम्पन्न भएको छ । गत वर्षदेखि हनुमान जयन्तीको अवसरमा महावीर मन्दिरमा आरती र प्रसाद वितरण कार्यक्रम शुरू गरिएको हो । हनुमान जयन्तीको अवसरमा महावीर मन्दिर समिति, साप्ताहिक सुन्दरकाण्ड प्रचार समिति, साप्ताहिक हनुमान चालिसा पाठ समिति, श्याम नवयुवक मण्डल, मारवाडी महिला मञ्च र राणीसती ज्योति मण्डलको संयुक्त आयोजनामा आरती र प्रसाद वितरण कार्यक्रम सम्पन्न भएको हो । आरतीमा वीरगंजवासीको भव्य सहभागिता थियो । वडाध्यक्ष जयप्रकाश शाहले सबैको सहयोग र सहकार्यमा हनुमान जयन्तीको अवसरमा यस वर्ष पनि आरती र प्रसाद वितरण कार्यक्रम भव्य र सभ्यरूपमा सम्पन्न भएको बताए । उनले यो कार्यलाई निरन्तरता दिइने बताए । तस्वीरः प्रतीक
