प्रस, वीरगंज, २ वैशाख/
१४औं जीतपुरसिमरा गोल्डकपको उपाधिका लागि सोमवार ‘ए’ डिभिजनका दुर्ई टोली मच्छिन्द्र फूटबल क्लब र नेपाल पुलिस क्लब भिड्दैछन् । सिमरा रङ्गशालामा सोमवार राति हुने फाइनल खेलमा दुवै टोली उपाधि जित्ने तयारी गर्दैछन् ।
सिमरा रङ्गशालामा आइतवार बिहान भएको पत्रकार सम्मेलनमा उपस्थित मच्छिन्द्रका कप्तान विशाल श्रेष्ठ र पुलिसका कप्तान रामचन्द्र बाजे दुवैले उपाधि जित्ने लक्ष्यका साथ मैदानमा उत्रन तयार रहेको बताए ।
सोमवार राति सिमरा रङ्गशालाको प्mलड लाइटमा मधेस प्रदेशका मुख्यमन्त्री सरोजकुमार यादवको प्रमुख आतिथ्यमा फाइनल खेल हुने आयोजक नवजनजागृति युवा क्लबका अध्यक्ष रामचन्द्र लामाले जानकारी दिए । फाइनल खेलमा करीब १५ हजार दर्शक उपस्थित हुने अपेक्षा आयोजकले राखेको छ । तीन वर्षदेखि फ्लड लाइटमा खेल सञ्चालन भइरहेको सिमरा रङ्गशालामा दर्शकको सहभागिता उत्साहजनकरूपले बढेको आयोजक क्लबका अध्यक्ष लामाले बताए ।
पुलिस क्लब आठ वर्षपछि दोस्रोपटक जीतपुरसिमरा गोल्डकपको फाइनलमा प्रवेश गरेको छ भने मच्छिन्द्र क्लब पहिलोपटक उपाधिनजीक पुगेको छ । यसअघि छैटौं सिमरा गोल्डकपको फाइनलमा प्रवेश गरेको पुलिस क्लब त्रिभुवन आर्मी क्लबसँग २–० ले पराजित भएको थियो । मछिन्द्र क्लब भने चौथो सिमरा गोल्डकपको सेमिफाइनलबाटै बाहिरिएको थियो । मनाङ मस्र्याङ्दी क्लबसँग १–० ले पराजित भएर फर्किएको मच्छिन्द्र क्लब १० वर्षपछि प्रतियोगिता खेल्न सिमरा आएको हो ।
|
१४औं जीतपुरसिमरा गोल्डकपको खेल तीन वर्षदेखि राति हुँदै आएको छ । यो अवधिमा दिउँसो हुने खेलभन्दा रातिको खेलमा दर्शकहरूको सङ्ख्या बढेको आयोजक कमिटीका सुनील गाउँलेले बताए । उनले रात्रिकालीन खेलमा पाँचदेखि सात हजारसम्म मानिसहरू सेमिफाइनलसम्म दैनिकरूपमा हेर्दै आएको र फाइनलमा १५ हजार पुग्ने अनुमान गरिएको बताए । दैनिक टिकट काटेर एकदेखि दुई हजार र वडास्तरबाट वितरित टिकटको आधारमा पाँचदेखि छ हजार मानिस आउने गरेको बताए । गाउँलेले जीतपुरसिमरा उपमनपा अन्तर्गतका २४ वटा वडामध्ये १७ वटा वडाले प्रतियोगिता सफलताको लागि २५ हजारदेखि सात लाखसम्म सहयोग गरेको र वडास्तरमा निश्शुल्क टिकट वितरण गरेर दर्शक सङ्ख्या बढाएको बताए । वडालाई नै सहयोग अनुसारको टिकट उपलब्ध गराइएको र सोही टिकटको आधारमा जीतपुरसिमरा उपमनपालगायतका स्थानबाट दर्शकहरू रात्रिकालीन पूmटबलको आनन्द लिन आउने गरेको उनले बताए ।अघिल्लो साता विराट गोल्डकपको उपाधि लिएर सिमरा आएको मच्छिन्द्र क्लब मोफसलमा हुने प्रतियोगिताको चौथो उपाधि हात पार्ने लक्ष्यसहित मैदानमा उत्रदैछ । २०८० मा आयोजना भएका मोफसलकै प्रतियोगितालाई लक्षित गरी चर्चित खेलाडीहरूलाई टीममा अनुबन्धन गरेको मच्छिन्द्रले विराटसहित मकवानपुरको बाग्मती गोल्डकप र काठमाडौंमा भएको केपी ओली कपको उपाधि जितेको थियो । मच्छिन्द्रका प्रशिक्षक सन्तोष न्यौपानेले आफूहरू उपाधि जित्नेमा विश्वस्त रहेको बताए । उनले भने, हामी सिजनको चौथो उपाधि जित्ने लक्ष्यमा छौं, मोफसलकै प्रतियोगितालाई लक्षित गरी टीम निर्माण गरिएको छ ।
पुलिस क्लबका प्रशिक्षक चेतन घिमिरेले दोस्रो उपाधि जित्ने लक्ष्य लिएर मैदानमा उत्रने बताए । २०८० को सुरुआतमा वीरगंज गोल्डकपको उपाधि जितेको पुलिस क्लब अघिल्लो साता प्रथम कपिलवस्तु तिलौराकोट गोल्डकपको फाइनलमा पराजित भएको थियो । पुलिसका प्रशिक्षक चेतन घिमिरेले २०८० मा पुलिसका युवा खेलाडी सम्मिलित टोलीले मोफसलका प्रतियोगिताहरूमा उत्कृष्ट प्रदर्शन गरेको बताउँदै जीतपुरसिमरा गोल्डकपको उपाधिसहित २०८१ को सुरुआतका लागि आफूहरू उत्साहित रहेको बताए ।
पुलिसले फाइनल खेलमा शिशिर चौधरीलाई गुमाउनेछ । दोहोरो पहेंलो कार्डका कारण शिशिरले फाइनल खेल्न पाउनेछैनन् । शिशिरले एपीएफविरूद्धको सेमिफाइनल खेलमा गोल लाइनबाट बल क्लियर गर्दै टीमलाई फाइनलसम्म पु¥याउन महŒवपूर्ण भूमिका निर्वाह गरेका थिए । त्यस्तै, स्टार खेलाडी विमल घर्तीमगर, मनीष डाँगी सम्मिलित मच्छिन्द्रको टीममा भने कुनै परिवर्तन हुनेछैन । मच्छिन्द्रका प्रशिक्षक सन्तोष न्यौपानेले आयुष घलान टीममा थपिने सम्भावना रहे पनि निश्चित भने नभएको जानकारी दिए ।
यसअघिका खेलमा उत्कृष्ट प्रदर्शन गरेका दुवै टीमलाई उपाधिको दाबेदारको रूपमा हेरिएको छ । मच्छिन्द्रले आफ्नो पहिलो खेलमा त्रिभुवन आर्मी फूटबल क्लबलाई १–० र सेमिफाइनलमा सलहेश युवा क्लब सिराहालाई २–० ले पराजित गर्दै फाइनलको यात्रा तय गरेको थियो । पुलिसले भने क्वाटरफाइनल खेलमा आयोजक सिमरालाई २–१ र सेमिफाइनलमा विभागीय टीम एपिएफ क्लबलाई ३–२ ले पराजित गर्दै उपाधि होडमा आफूलाई उभ्याएको हो ।
