नितेश कर्ण, वीरगंज, १ चैत/
नेपाल रेलवे माविमा कक्षा १० मा अध्ययनरत विद्यार्थीहरूको बिदाइ कार्यक्रम बुधवार सम्पन्न भएको छ ।
कक्षा ९ मा अध्ययनरत विद्यार्थीहरूले कक्षा १० का विद्यार्थीहरूलाई बिदाइ गरेका थिए । प्रअ प्रभु रौनियारको अध्यक्षतामा भएको कार्यक्रममा वडाध्यक्ष जवाहरप्रसाद गुप्ताले विद्यालयको विकासमा सबैजनाले सहयोग गर्नुपर्ने बताए । उनले विद्यालयलाई सक्दो सहयोग गर्ने बताए । विद्यालयमा नियमित र इक्जाम्टेड गरी ६९ जना विद्यार्थीले आगामी एसइईको परीक्षा दिने लेखापाल जगमोहन रौनियारले बताए ।
कार्यक्रममा विद्यालय व्यवस्थापन समितिका अध्यक्ष विजय रौनियार, धीरज पासवान, वडा समितिका सदस्य सोनी पासवान, गीता मानन्धरलगायतको सहभागिता थियो । कार्यक्रमको सञ्चालन प्रअ मनोज यादवले गरेका थिए ।
