प्रस, वीरगंज, २० पुस/
रक्तसञ्चार केन्द्र, वीरगंजलाई लाइफ बैंक काठमाडौंले गैरआवासीय नेपाली सङ्घ रक्तसञ्चार समितिको संयोजनमा चारवटा कुर्सी सहयोग गरेको छ।
रक्तदान कार्यक्रममा प्रयोग हुने चारवटा कुर्सी रक्तसञ्चार केन्द्र, वीरगंजका प्राविधिक प्रमुख सौरभराज पाण्डेलाई हस्तान्तरण गरिएको थियो। कार्यक्रममा ब्लड डोनर्स एशोसिएशन पर्साका सचिव अरविन्द सिंह, रेडक्रस पर्साका कोषाध्यक्ष महन्तप्रसाद यादव, उपमन्त्री साबिर अहमद एराज, केन्द्रका प्राविधिक डिल्लीमाया घिमिरेलगायतको सहभागिता रहेको नेरेसो पर्साका सहायक राजन श्रीवास्तवले बताए।
