बेपत्ता बालकको शव भेटियो

प्रस, पोखरिया, १७ असार/

पोखरिया नगरपालिका–९ रानीगंजका १५ वर्षीय राजु महतो तत्वाको शव बिहीवार अपराह्न ४ः२५ बजे फेला परेको सशस्त्र प्रहरी नायब उपरीक्षक सन्तोष बस्नेतले बताए।

मलामी गएका तत्वा मङ्गलवार १२ बजेदेखि भूताहा खोलामा डुबेर बेपत्ता भएका थिए। सशस्त्र प्रहरीको विपद् तालीम केन्द्र कुरिनटारका गोताखोरहरू परिचालित गरिएको र आज घटनास्थलदेखि डेढ किलोमिटर दक्षिणमा तत्वाको शव बरामद भएको सप्रनाउ बस्नेतले बताए।