प्रस, वीरगंज, १६ असार
सर्पदंशबाट बारामा एकजना युवकको मृत्यु भएको छ।
मकवानपुर, हेटौंडा–१५ भोर्ले घर भई निजगढ–१३ डमरापुरस्थित मामाघर बस्दै आएका २० वर्षीय सरोज बमजनको मृत्यु भएको हो। सुतिरहेको अवस्थामा उनको कानमा बुधवार बिहान सर्पले टोकेको थियो। सर्पले टोकेपछि बमजनलाई प्राथमिक स्वास्थ्य केन्द्र निजगढ लैजाने क्रममा मृत्यु भएको प्रहरीले जनाएको छ।
यसैगरी, जीतपुरसिमरा उपमहानगरपालिका–७ का २२ वर्षीय राजन श्रेष्ठको दुर्घटनामा मृत्यु भएको प्रहरीले जनाएको छ।
वीरगंजबाट पथलैयातर्फ गइरहेको बा–०३–००१ ख ११२७ नम्बरको ट्रकले पैदल हिंडिरहेका श्रेष्ठलाई मङ्गलवार राति ९ बजे ठक्कर दिएको र उपचारको लागि अस्पताल लैजाने क्रममा बाटोमैं मृत्यु भएको बाराका प्रहरी नायब उपरीक्षक गौतम मिश्रले जानकारी गराए।
