प्रस, बिरुवागुठी, १४ असार/
वृक्षारोपण दिवसको अवसरमा सोमवार पर्सागढी नगरपालिकाले वृक्षा रोपण कार्यक्रम गरेको छ ।
पर्सागढी नगरपालिका–२ को भडौरामाईमा रहेको करीब दुई बिघा जग्गामा आज विभिन्न जातका बिरुवा रोपिएको छ ।
प्रधानमन्त्री रोजगार कार्यक्रम अन्तर्गत वृक्षारोपण दिवसको अवसरमा आज मसला, टिक, बेल, मेरिगोल्ड, नीम, बकाइनोलगायत ५ सय बिरुवा रोपिएको पर्सागढी नगरपालिका रोजगार कार्यक्रमका संयोजक चन्दकिशोर रायले बताए ।
कार्यक्रममा पर्सागढी नगरपालिकाका प्रमुख प्रशासकीय अधिकृत भरतप्रसाद यादव, वडाध्यक्ष तुलाराम महतो, वेदमनदास थारूलगायतको सहभागिता थियो ।
