चिया संसारमा सबैभन्दा बढी पस्किने पेय पदार्थ हो। यसको लोकप्रियता र लामो इतिहासलाई ध्यानमा राख्दै अन्तर्राष्ट्रिय चिया दिवस हरेक वर्ष मे २१ का दिन मनाइन्छ। आजको समयमा हरेक घरमा चियाको महत्व देख्न सकिन्छ। चियाका धेरै प्रकार छन्, जसमध्ये दूधको चिया सबैभन्दा मन पर्ने हुन्छ।
तर के तपाईंलाई थाहा छ चियामा दूध मिलाउँदा विषाक्त हुन्छ। विशेषगरी यी पाँच स्वास्थ्यसम्बन्धी समस्याको सामना गरिरहेका व्यक्तिका लागि दूधबाट बनाइएको चियाको एक चुस्की विष बराबर हुन्छ। स्वास्थ्य अवस्था बिग्रन सक्छ।
आइरनको कमीः यदि तपाईंको शरीरमा आइरनको कमी छ भने, दूधको चिया सीमित मात्रामा पिउनुपर्छ। एनसिबिआई अनुसार चियामा ट्यानिन नामक कम्पाउन्ड हुन्छ, जसले शरीरलाई आइरन अवशोषित गर्नबाट रोक्छ।
अवसाद वा तनावः चिया पिउँदा स्फूर्ति महसूस हुन्छ। तर यदि तपाईं डिप्रेसन वा तनावबाट गुज्रिरहनुभएको छ भने चियासेवन नगर्नुहोस्। चिया पिउनाले यसका लक्षणहरू अझ गम्भीर बनाउन सक्छ।
अनिद्राः यदि तपाईंलाई राति निद्रा लाग्दैन भने यसको सबैभन्दा ठूलो कारण चिया हुन सक्छ। विशेषगरी साँझमा चियासेवन गर्नेलाई अनिद्राको समस्या हुन्छ। एनआइएचमा प्रकाशित एउटा रिपोर्ट अनुसार क्याफिनले मेलाटोनिनको उत्पादन रोक्छ, जसले निद्राको गुणस्तर बिग्रिन्छ।
खराब पाचनः दूध मिसिएको चियाले पाचन प्रक्रिया खराब बनाउन सक्छ। यसमा पाइने क्याफिन र फ्याटले ग्याँस, ब्लोटिङ र एसिड रिफ्लक्स निम्त्याउँछ।
मुटुरोगः मुटुरोगी हुनुहुन्छ भने दूधको चिया नखानुहोस्। यसले तपाईंको रोगलाई ट्रिगर गर्न सक्छ। तर थोरै मात्रामा चिनी मिसाइएको कालो चिया मुटुको लागि सुरक्षित हुन्छ। – प्रतीक डेस्क (एजेन्सीको सहयोगमा)
