पति–पत्नीबीच झगडा भयो

विवाहपछि पति–पत्नीबीच सानातिना मतभेद वा झगडा हुनु सामान्य कुरा हो तर यो झगडालाई बढावा दिनुहुँदैन नत्र सम्बन्ध जीवनभर टिक्न गा–हो हुन्छ। झगडा नहोस् भन्ने प्रयास सदैव गर्नुपर्छ। तर यदि पति–पत्नीबीच झगडा भयो भने केही कुराहरू पतिलाई बताउनुहुँदैन नत्र मामिला झनै बिग्रिन सक्छ।

पुराना गलती सम्झना नगर्नुहोस्ः पतिसँग झगडा गर्दा पत्नीले आफ्ना विगतका गलतीहरू सम्झाउनुहुँदैन, किनभने पुराना घाउ कोट्याउँदा त्यो झनै बिग्रिन्छ। तपाईंको लक्ष्य लडाइँ अन्त्य गर्नु हो, आगोमा थप इन्धन थप्नु होइन।

विवादहरू समाधान गर्न हतार नगर्नुहोस्ः कहिलेकाहीं तपाईं झगडाको बारेमा धेरै गम्भीर बन्नुहुनेछ, यस्तो अवस्थामा, तुरुन्तै क्षति नियन्त्रण गर्ने प्रयास गर्नुहुँदैन। किनकि यसले समस्यालाई अझ खराब बनाउन सक्छ। वातावरणलाई सेलाउने मौका दिनु राम्रो हुन्छ। यदि तपाईंले रिसाएको पतिलाई मनाउन खोज्नुभयो भने उसको रिस अझै बढ्ने खतरा हुन्छ। कहिलेकाहीं समयले हरेक घाउ निको पार्छ। समझदारी देखाएर विवाद सुल्झाउनुपर्छ।

समस्या समाधान गर्ने देखावा गर्नुहुँदैनः पतिसँगको विवाद सुल्झाउन चाहनुहुन्छ भने यो काम मनैदेखि गर्नुपर्छ। तपाईं सबै कुरा ठीक गर्न चाहनुहुन्छ भनेर देखावा गर्नुहुँदैन। नक्कली भावना लुकाउन व्यक्तिलाई सजिलो हुँदैन। यदि गलती तपाईंको हो भने माफी माग्नुहोस् र छिट्टै समाधान गर्नुहोस्।

पतिका बारेमा आफन्तहरूलाई नबताउनुहोस्ः पति–पत्नीबीच झगडा हुँदा एकअर्काले आफन्तलाई आफ्नो बारेमा प्रतिक्रिया गर्न थाल्छन्। पत्नीले पतिको कुरा माइतीमा लगाउनुहुँदैन नत्र यो समस्या आजीवन चलिरहन्छ।