काठमाडौं, २७ असार/रासस
बितेको २४ घण्टामा नेपालमा थप एक हजार ८३१ जनामा कोरोना भाइरस देखा परेको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा कुल नौ हजार २१८ जनाको नमूना परीक्षण गर्दा थप एक हजार ८३१ जनामा कोरोना देखिएको हो ।
मन्त्रालयका अनुसार पिसिआर विधिबाट पाँच हजार ५३५ जना नमूना परीक्षण गर्दा एक हजार २३७ र एन्टिजेन विधिबाट तीन हजार ६८३ जनाको परीक्षण गर्दा ५९४ मा सङ्क्रमण देखिएको हो । हाल देशभर २६ हजार १७३ जना सक्रिय सङ्क्रमित रहेका छन् भने तीमध्ये १७५ जना भेन्टिलेटरमा छन् ।
पछिल्लो २४ घण्टामा २० जनाको कोरोनाको कारण मृत्यु भएको छ ।
