प्रस, परवानीपुर, ११ असार/
पर्सा प्रहरीले दुईजनालाई मोटरसाइकल चोरीको आरोपमा पक्राउ गरेको छ ।
पक्राउ पर्नेमा बारा, परवानीपुर गाउँँपालिका–२ बस्ने २६ वर्षीय दीपककुमार यादव र पर्सा, कालिकामाई गापा–३ बस्ने २२ वर्षीय सागर पटेल रहेका छन् । दुवैजनालाई प्रहरी चौकी परवानीपुरको सहयोगमा बुधवार राति ७ बजे पक्राउ गरिएको थियो ।
वीरगंज–१८ भवानीपुरका मनोजकुमार जैसवालले वीरगंज–१३ राधेमाईस्थित सडकछेउमा पार्किङ गरिराखेको ना.४०प ४२०३ नम्बरको मोटरसाइकल चोरी गरेको केही घण्टामैं चोरहरूलाई पक्राउ गरिएको थियो ।
परवानीपुरबाट सुक्खा बन्दरगाहतर्फ जाँदै गरेको अवस्थामा उनीहरूलाई मोटरसाइकलसहित नियन्त्रणमा लिई चोरी मुद्दामा पाँच दिनको म्याद थपेर आवश्यक अनुसन्धान भइरहेको जिल्ला प्रहरी कार्यालय पर्साका प्रहरी प्रवक्ता प्रहरी नायब उपरीक्षक ओमप्रकाश खनालले बताए ।
