कुनै पनि विवाहित महिलाको लागि आमा बन्नु उनको जीवनको सबैभन्दा खुशीको अनुभव हो। अपार पीडा सहेर उनले सन्तानलाई जन्माउछिन्। युगान्डामा बस्ने एक महिलाको कथा थाहा पाउँदा भन्न सकिन्छ आमा बन्ने अनुभूति सबैका लागि सुखद हुँदैन।
किनकि यी महिलाले ४४ वटा बच्चा जन्माएकी छिन्। अचम्मको कुरा ती महिला १५ पटक मात्रै गर्भवती भइन्। यति मात्र होइन उनका पतिले पनि महिलालाई छाडेका छन्। अहिले यी ४३ वर्षीया महिला एक्लै बसेर आफ्ना छोराछोरी हुर्काउँदै छिन्। ४४ बालबालिकामध्ये छजनाको मृत्यु भइसकेको छ। अफ्रिकी देश युगान्डामा बस्ने यी महिलाको नाम मरियम नबान्तान्जी हो, जसलाई मामा युगान्डा पनि भनिन्छ।
मरियमको जन्म २५ डिसेम्बर १९८० मा भएको थियो। उनकी आमाले बच्चा जन्मेको ३ दिनमैं उनलाई र उनका ५ दाजुभाइलाई छोडेको गइन्। यस्तो अवस्थामा मरियमका बुवाले दोस्रो विवाह गरे, त्यसपछि उनकी सौतेनी आमाले खानामा शिशा मिसाएर आफ्ना भाइहरूलाई खुवाइन्, जसका कारण पाँचै जनाको मृत्यु भयो। मरियम त्यतिबेला आफन्तको घर गएकी थिइन् र उनी बाँचिन्। तर मरियमको भाग्य त्यति राम्रो थिएन। जब उनी १२ वर्षकी भइन्, उनको परिवारले उनलाई विवाहको नाममा कसैलाई बेचेको थियो। यसरी मरियमले १३ वर्षको उमेरमा पहिलोपटक बच्चालाई जन्म दिइन्। यसपछि मरियमले ३६ वर्षको उमेरसम्म कुल ४४ सन्तानलाई जन्म दिइन्। तर यसबीच छजनाको मृत्यु भइसकेको छ। यसरी, मरियमका कुल ३८ बच्चाहरू बाँचे, जसमध्ये २० केटा र १८ केटी छन्।
विश्वभर मामा युगान्डा भनेर चिनिने मरियमको जेठो सन्तान ३१ वर्षको र कान्छो ६ वर्षको छ। मरियम ४० वर्षको उमेरसम्म गर्भवती भइन् र ४४ सन्तानलाई जन्म दिइन्। तर केही वर्ष अघि मरियमका पति घरको सबै पैसा लिएर भागेपछि सम्पूर्ण परिवारको जिम्मेवारी मरियमको काँधमा आयो। मरियम आफ्नो जीवनमा केवल १५ पटक गर्भवती भइन्। तथ्याङ्क अनुसार मरियमले पाँचपटक ४/४ सन्तानलाई जन्म दिइन्। यसपछि उनले पाँचपटक तीन सन्तान र चारपटक जुम्ल्याहा बच्चा जन्माइन्। अनि एक समयमा एकमात्र बच्चा जन्माएकी थिइन्। यसैले मरियमलाई मम्मा युगान्डाको रूपमा मात्र चिनिन्छ, उनी पृथ्वीको सबैभन्दा बढी प्रजनन महिला पनि मानिन्छिन्।
मरियमले हरेक पटक ३–४ सन्तान कसरी जन्माउँछिन् भन्ने कुरा बुझ्न वर्षाैं लाग्यो। यस्तो अवस्थामा उनी चिन्तित भइन् र चिकित्सककहाँ गइन्। चिकित्सकले जाँच गर्दा मरियमको अण्डाशय सामान्य महिलाको अण्डाशयभन्दा धेरै ठूलो भएको पाइयो। यो दुर्लभ अवस्थालाई हाइपरओभ्युलेशन भनिन्छ। डाक्टरहरूले पनि मरियममा कुनै असर नपर्ने भएकोले बच्चालाई रोक्न शल्यक्रिया गर्न नसकिने बताए ।
– प्रतीक डेस्क (एजेन्सीको सहयोगमा)
