प्रेम एउटा अनुपम अनुभूति हो, जसलाई शब्दमा व्यक्त गर्न निकै गा¥हो हुन्छ । जब कुनै व्यक्तिले कसैलाई माया गर्छ, उसले भावनात्मकरूपमा जोडिएको महसूस गर्छ । यो रोमान्टिक सम्बन्धमा मात्र सीमित हुँदैन, परिवार, मित्रता र समाजप्रति पनि हुन्छ । जब हामी कसैलाई माया गर्छाैं, हामी उसको सुख, सफलता र कल्याणको लागि काम गर्छाैं र उसको दुःख र सुखमा साथ दिन्छौं । पुरुषको प्रेममा पागल हुँदा महिलामा के कस्ता परिवर्तन आउँछन्, त्यसबारे थाहा पाऔं ।
जब एउटी महिलाले पुरुषलाई माया गर्न थाल्छिन्, यो भावना स्वभावतः उसको सोच र व्यवहारमा झल्किन्छ । प्रेम एउटा भावना हो, जसले व्यक्तिलाई विशेष र जोडिएको महसूस गराउँछ । महिलाहरूले आफ्नो प्रेम धेरै तरीकाबाट व्यक्त गर्छन्, जसबाट उनीहरूको गहिरो भावनालाई झल्काउँछ ।
प्रेममा पागल महिलाले आफ्नो मनपर्ने पुरुषसँग सकेसम्म धेरै समय बिताउने प्रयास गर्छन् । उनी चाहन्छिन् कि त्यो व्यक्ति उनको जीवनको हिस्सा बनोस् र हरेक साना–ठूला पलमा संलग्न होस् । कुराकानीबाट जोडिएको महसूस गर्छिन् र आफ्ना भावनाहरू साझा गर्न मन पराउँछिन् । चाहे त्यो सानो कुरा होस् वा ठूला कुरा ।
महिलाहरू आफ्नो प्रेम देखाउन, प्रेमीप्रति हेरचाह र चिन्ता देखाउन मन पराउँछन् । उनले प्रेमीको खुशीको लागि सबै कार्य गर्छिन् । आमाले जस्तै छोराछोरीको स्वास्थ्यको पूर्ण ख्याल राखेजस्तै महिलाले प्रेमीको ख्याल राख्ने गर्छन् । प्रेमीको लागि मनपर्ने खाना पकाउने, उसको थकान बुझ्ने वा आवश्यकता बुझ्ने जस्ता कामहरू गर्छिन् ।
प्रेममा परेको महिलाले बाह्य उपस्थितिमा मात्र ध्यान दिंदैन, बरु गहिरो भावनात्मक सम्बन्धलाई प्राथमिकता दिन्छ । आफ्ना भावनाहरू साझा गर्छिन् र व्यक्तिलाई पनि आफ्ना भावनाहरू व्यक्त गर्न प्रोत्साहित गर्छिन् । यो भावनात्मक सम्बन्धले उनीहरूलाई एकअर्काको नजीक ल्याउँछ । महिलाले पुरुषको समस्या बुझ्छन्, उसलाई हरेक परिस्थितिमा साथ दिन्छिन् ।
प्रेममा परेकी महिलाले प्रेमीलाई विशेष महसूस गराउने प्रयास गर्छिन् । उसको प्रशंसा गर्छिन्, प्रेमीको शोख र मनपर्ने कुराहरूको ख्याल राख्छिन् र उसलाई खुशी राख्ने प्रयास गर्छिन् । उनको शरीरको भाषा, हेराइ र मुस्कानले त्यो व्यक्तिलाई कति माया गर्छ भन्ने प्रस्ट हुन्छ । महिलाको प्रेम साँचो र गहिरो छ भने आफ्नो सम्बन्धप्रति पूर्ण इमानदार हुन्छिन् ।
