हाम्रा आमाबुबाले हामीलाई बाल्यकालदेखि नै बलियो बनाउन सक्दो प्रयास गर्छन्, यसका लागि हामीलाई स्वस्थ आहार दिन्छन्, जसले गर्दा हाम्रो हाड र शरीर बलियो हुन्छ तर जब हामी ४० वर्ष पुग्छौं, हाडहरू कमजोर हुन थाल्छन् । यसका लागि केही उपाय गर्नुपर्छ । हाड कमजोर भएमा शरीरका धेरै भागमा पीडा हुन थाल्छ र दैनिक जीवनका सामान्य काम गर्न गा¥हो हुन्छ । पोषणविद् निखिल वत्सले ४० वर्ष पुगेपछि हाड कमजोर हुन नदिन केही सुझाव दिएका छन् ।
क्याल्शियमयुक्त आहारः क्याल्शियमयुक्त आहारा हाम्रो हाड बलियो बनाउन महŒवपूर्ण हुन्छ, किनभने हाम्रो शरीर बनिरहन्छ र भाँचिइरहन्छ, त्यसैले यसलाई फेरि बलियो बनाउन क्याल्शियमयुक्त आहारा लिइरहनुपर्छ । यसको कमी भएमा शरीर दुख्न थाल्छ । यसका लागि दूध, चिज, गेडागुडी, माछा, सिमी र दालको सेवन गर्नुपर्छ ।
भिटामिन डीः भिटामिन डी शरीरको लागि क्याल्शियमजस्तै महŒवपूर्ण हुन्छ । यदि तपाईं सही मात्रामा क्याल्शियमयुक्त खानेकुराहरू खाँदै हुनुहुन्छ भने भिटामिन डी प्राप्त गर्न सक्नुहुन्न । शरीरमा भिटामिन डीको कमी भएमा हाडको घनत्व कम हुन्छ । भिटामिन डीलाई सनसाइन भिटामिन पनि भनिन्छ, त्यसैले दिनमा कम्तीमा १५ देखि २० मिनेटसम्म घामको किरणमा बस्नुपर्छ । यद्यपि भिटामिन डी पोषक तŒव खानाबाट पनि प्राप्त गर्न सकिन्छ ।
प्रोटिनयुक्त खानेकुराः हाम्रो हाडको मात्राको ५० प्रतिशत प्रोटिनले बनेको हुन्छ, त्यसैले आवश्यक पोषक तŒव खानुपर्छ । तर यसको मतलब प्रोटिनयुक्त खानेकुरा धेरै खानुपर्छ भन्ने होइन । शरीरमा प्रोटिनको कमी भएमा क्याल्शियमको अवशोषणमा कमी आउँछ र हाडको निर्माणमा प्रतिकूल असर पर्छ । यो पौष्टिक तŒव पाउनको लागि अन्डा, मासु र माछा खानुपर्छ । शाकाहारी मानिसले दाल, भटमास जस्ता कुराहरू खान सक्छन् । – प्रतीक डेस्क (एजेन्सीको सहयोगमा)
