गर्मी बढेसँगै विद्युतीय स्कूटरमा आगलागी हुने घटना पनि बढ्दै गएको छ। यदि तपाईंसँग पनि विद्युतीय स्कूटर छ भने यसबाट बच्ने उपाय जान्नुपर्छ। दुर्घटनामा विद्युतीय स्कूटरमा क्षति पुग्दा पनि आगो लाग्न सक्छ। यदि ब्याट्री वा इन्धन ट्याङ्कीमा क्षति पुग्यो भने विद्युतीय स्कूटरमा आगलागी हुन्छ।
स्कूटरलाई धेरै जोडले चलाउँदा, भारी वस्तु बोक्दा वा कच्ची बाटोमा चलाउँदा ब्याट्री र मोटरमा तनाव हुन सक्छ, जसले गर्दा कतिपय विद्युतीय स्कूटर खराब हुनुका साथै आगलागीको जोखिम पनि बढ्छ। खराब जडान, गुणस्तरहीन तार वा गुणस्तरहीन इलेक्ट्रोनिक्स, लामो समयसम्म इलेक्ट्रिक स्कूटर चार्ज गर्दा, गलत चार्जर प्रयोग गर्दा वा खराब चार्जिङ पोर्टले पनि स्कूटरमा आगो लाग्न सक्छ।
खराब चार्जिङले ब्याट्री धेरै तातो हुने, सर्टसर्किट र आगलागी निम्त्याउन सक्छ। इलेक्ट्रिक स्कूटरमा आगोको सबैभन्दा सामान्य कारण खराब ब्याट्री नै हो। खराब ब्याट्रीका सेलहरू फेल हुन सक्छन्, ओभर हिटले पनि स्कूटरमा आगलागी हुन्छ। खराब ब्याट्री फुल्न वा लिक हुन सक्छ, जसले आगलागीको जोखिम बढ्छ।
