प्रस, बिरुवागुठी, २८ पुस/
स्व गोपाल गिरी क्रियाशील पत्रकारिता पुरस्कार पत्रकार पङ्कज श्रेष्ठलाई प्रदान गर्ने निर्णय भएको छ । नेपाल पत्रकार महासङ्घ, पर्साको आइतवार बसेको बैठकले यस वर्षको स्व गोपाल गिरी क्रियाशील पत्रकारिता पुरस्कार कान्तिपुर टेलिभिजन पर्साका क्यामरा पर्सन पत्रकार पङ्कज श्रेष्ठलाई दिने निर्णय गरेको हो ।
शाखा अध्यक्ष ओमप्रकाश खनालको अध्यक्षतामा बसेको बैठकले ५१ हजार राशिको पुरस्कार श्रेष्ठलाई दिने निर्णय गरेको शाखा सचिव विजय चौहानले बताए ।
माघ १ गते स्व गिरीको पुण्यतिथिको अवसरमा नेपाल पत्रकार महासङ्घ, पर्साले स्थापना गरेको यो पुरस्कार वितरण हुँदै आएको छ ।
