काठमाडौं, १९ पुस/रासस
‘जय ट्रफी पुरुष एलिट कप–२०८१’ का लागि नेपाल पुलिस क्लबको टोली घोषणा गरिएको छ ।
नेपाल पुलिस क्लबले आरिफ शेखको कप्तानीमा १५ सदस्यीय टोली घोषणा गरेको हो । टोलीमा कुशल भुर्तेल, गुलशन झा, करण केसी, ललितनारायण राजवंशी, अमित श्रेष्ठ, दिलीप नाथ, श्रवण यादव, सुनील दौल्यान, सागर ढकाल, शङ्कर राना, अविनाश कर्ण, रासिद खान, अर्जुन साउद र दीपक सेरेला रहेका छन् ।
नेपाल क्रिकेट सङ्घ (क्यान)को आयोजनामा यही पुस २१ देखि माघ ३ गतेसम्म चल्ने जय ट्रफी एलिट कप मधेस प्रदेशको वीरगंज र जनकपुरमा हुनेछ ।
