नितेश कर्ण, वीरगंज, ११ असोज/
पूर्व–पश्चिम राजमार्ग अन्तर्गत सर्लाहीको हरिवनमा शुक्रवार दिउँसो टिपरको ठक्करबाट मोटरसाइकल चालकको मृत्यु भएको छ । हरिवन नगरपालिका–११ बासाटोलस्थित चिनीमिलअगाडि भएको दुर्घटनामा मोटरसाइकल चालक हरिवन–७ निवासी ४२ वर्षीय दीपक अधिकारीको मृत्यु भएको हो ।
बाग्मती प्रदेश ०२–०३७प४४०१ नम्बरको मोटरसाइकलमा सवार अधिकारीलाई दिउँसो ३ बजेतिर हरिवनबाट नवलपुरतर्फ गइरहेको प्रदेश २–०३–००१क११३७ नम्बरको टिपरले ठक्कर दिएको प्रहरीले जनाएको छ । टिपरको ठक्करबाट मोटरसाइकल चालक अधिकारीको घटनास्थलमैं मृत्यु भएको थियो । मोटरसाइकललाई ठक्कर दिने टिपर र चालकलाई प्रहरीले नियन्त्रणमा लिएको छ ।
