प्रस, वीरगंज, १० असोज/
साहिब दरबारको वार्षिकोत्सवको अवसरमा बिहीवार महावीरप्रसाद रघुवीरराम त्रिजुद्ध माविमा बालविकास कक्षामा अध्ययनरत ८६ जना विद्यार्थीलाई स्कूल ब्याग वितरण गरिएको छ । साहिब दरबार भारत, सिवान जिल्ला बिहारका संस्थापक सरकारजी महाराजले बालविकास कक्षाका शिशुहरूलाई ब्याग वितरण गरेका थिए ।
कार्यक्रममा साहिब दरबार वीरगंजका संरक्षक एवं नगरप्रमुख राजेशमान सिंहले शिक्षा क्षेत्रमा आमूल परिवर्तनका लागि महानगरपालिकाले विभिन्न निकायको सहयोगमा काम गर्दै आएको बताए । प्रधानाध्यापक नवीनकुमार मिश्रको अध्यक्षतामा कार्यक्रम भएको थियो ।
