प्रस, परवानीपुर, २९ भदौ/
वीरगंजको लिङ्करोडमा सञ्चालित मसल बैंक जीम क्लबले आउटडोर खेल प्रतियोगिता आयोजना गरेको छ ।
वीरगंज– १४ पिपरामा आयोजित प्रतियोगिताको उद्घाटन वीरगंजका नगरप्रमुख राजेशमान सिंहले गरेका थिए ।
वीरगंजका करीब आधा दर्जन जीम क्लबका करीब ८५ जना खेलाडीको सहभागिता रहेको सो प्रतियोगितामा पुसअप, चिनअप, आर्म रेस्लिङ, जुम्बा र फ्री स्क्वायड गरी पाँच खेलमा प्रतिस्पर्धा गराइएको थियो । प्रतियोगितामा विजेताहरूलाई नगदसहित प्रमाणपत्रले पुरस्कृतसमेत गरिएको थियो ।
मसल बैंक जीम क्लबका अध्यक्ष अमन रायको अध्यक्षता सम्पन्न प्रतियोगितामा वडाध्यक्ष रमेश यादव, परशुराम चौरसिया, रितेश गुप्ता, नेपोभिट टायल्सका निर्देशक विभा झा, सञ्चालक शम्भुनाथ झा, साहिन स्पोट्र्स रक्सौलका सञ्चालक खुर्शेद अन्सारीलगायतको सहभागिता थियो । प्रतियोगिताको निर्णायकमा अशेश्वर पटेल थिए ।
