प्रस, वीरगंज, २९ भदौ/
काठमाडांैको नैकाप फूटबल मैदानमा जारी चन्द्रगिरि राष्ट्रिय शिन क्योकुशिन प्रतियोगिता–२०८१ मा वीरगंजबाट सहभागी खेलाडीमध्ये तीनजना महिलाले एक स्वर्ण र दुई कांस्य पदक जितेका छन् ।
नेपाल शिन क्योकुशिन कराते सङ्घ शाखा डोजो चन्द्रागिरि–१४ ले आयोजना गरेको प्रतियोगितामा महिला खुलातर्फ निचिता आलेले स्वर्णपदक जितेकी हुन् । यसैगरी, ४५ किलो तौल समूहमा रोशना चौधरी र ५० किलो तौल समूहमा सिमरन महर्जनले कांस्य पदक जितेका थिए । सो प्रतियोगितामा वीरगंजबाट माउन्ट एभरेस्ट क्लबका आठजना खेलाडी सहभागी थिए ।
