प्रस, वीरगंज, २९ भदौ/
ज्ञानदा एकेडेमीले कक्षा ११ मा नयाँ भर्ना भएका विद्यार्थीहरूलाई नवऊर्जासहित आफ्नो लक्ष्य प्राप्त गर्न सहयोग गर्ने उद्देश्यले शनिवार स्वागत तथा सम्मान कार्यक्रमको आयोजना गरेको थियो ।
कार्यक्रमका प्रमुख अतिथि नेपाल मेडिसिटी वयोधा अस्पतालका उपाध्यक्ष विजय रिमालले विद्यालयले विद्यार्थीहरूले लिएका लक्ष्यलाई साकार पार्न सहयोग गर्नुपर्ने बताए । कार्यक्रममा कक्षा ११ का छात्रछात्राहरूलाई कक्षा १२ मा अध्ययनरत छात्रछात्राहरूले स्वागत गरेका थिए ।
कार्यक्रममा ज्ञानदाका प्रमुख प्रशासकीय अधिकृत राजेन्द्रप्रसाद कोइरालाले शिक्षा क्षेत्रका अनुभव साटेका थिए । उनले लक्ष्य प्राप्त गर्न आफूले पथ प्रदर्शकको रूपमा कार्य गर्न पछि नपर्ने बताए । उनले विद्यार्थीहरूलाई सफलता प्राप्त गर्न सल्लाह र सुझाव पनि दिएका थिए ।
कार्यक्रममा गौतम माविका निर्देशक सोनाम लामा, नेशनल मेडिकल कलेज सहायक प्रअ डा रविशङ्कर गुप्ता लगायतको सहभागिता थियो ।
