१९० विद्यार्थीलाई ब्याग वितरण

प्रस, पोखरिया, २७ भदौ/
विन्ध्यवासिनी गाउँपालिका कार्यालयको सहयोगमा नेराप्रावि मधवलका विद्यार्थीहरूलाई स्कूल ब्याग वितरण गरिएको छ ।

विद्यालयमा बालविकासदेखि कक्षा ५ सम्म अध्ययनरत १९० जना विद्यार्थीलाई स्कूल ब्याग वितरण गरिएको प्रधानाध्यापक मुकुलेश गद्दीले बताए । गापा उपाध्यक्ष ज्योति चौरसियाले ब्याग वितरण गर्दै विद्यालयमा विद्यार्थीहरूलाई नियमित उपस्थिति गराउने उद्देश्यले र उनीहरूका किताब, कापीहरू सुरक्षित पार्ने उद्देश्यले ब्याग वितरण गरिएको बताइन् ।