प्रस, वीरगंज, ४ बैशाख/
जीतपुरसिमरा उपमहानगरपालिका–२ मा ट्याङ्करले मोटरसाइकललाई ठक्कर दिंदा जिल्ला प्रहरी कार्यालय, पर्सामा कार्यरत दिनेश परियारको मृत्यु भएको छ ।
हिजो राति प्रहरी जवान परियारले चलाएको ग.१४प ५९७२ नम्बरको मोटरसाइकललाई ना.७ख ३०२६ नम्बरको ट्याङ्करले ठक्कर दिएपछि प्रहरी जवान परियार गम्भीर घाइते भएका थिए ।
उनलाई वीरगंजस्थित एलएस न्युरो अस्पतालमा भर्ना गरिएको र उपचारको क्रममा मङ्गलवार बिहान डेढ बजे मृत्यु भएको जिल्ला प्रहरी कार्यालय, बाराले जनाएको छ ।
प्रहरी जवानले चलाएको मोटरसाइकललाई ट्याङ्करले पछाडिबाट ठक्कर दिएको प्रहरीले जनाएको छ । यसैगरी, एक साता अघि जीतपुरसिमरा उपमहानगरपालिका–२१ अमेलखगंजमा ड्युटी गरिरहेका पर्सा जिल्लाका एकजना ट्राफिक प्रहरीलाई बसले ठक्कर दिंदा उनको मृत्यु भएको थियो ।
