काठमाडौं, २२ पुस/रासस
त्रिभुवन अन्तर्राष्ट्रिय विमानस्थलबाट १.३०० किलो अवैध सुनसहित एकजना महिलालाई प्रहरीले पक्राउ गरेको छ ।
पक्राउ पर्नेमा प्mलाइ दुबईको उडान नम्बर एफजेड ५७३ बाट गएराति १ बजे काठमाडौं आएकी ५४ वर्षीया श्रीलङ्काली नागरिक कान्थी माथी कावस्कर रहेको त्रिभुवन अन्तर्राष्ट्रिय विमानस्थलका सुरक्षा प्रमुख तथा प्रहरी नायब महानिरीक्षक अर्जुन चन्दले जानकारी दिए ।
उनका अनुसार राहदानी नम्बर ८१५१३८५ भएकी निज महिलाले लगाएको ब्राभित्र प्लास्टिकले बेरेको अर्धठोस सुन दुई पोका तौल ५०० ग्राम तथा लगाएको कट्टुभित्र ८०० ग्राम सुन गरी कुल १.३०० किलो बरामद गरिएको हो । उक्त विषयमा थप अनुसन्धान भइरहेको प्रहरीले जनाएको छ ।
