प्रस, वीरगंज, १९ कात्तिक/
भेट्रान्स सिटी क्लब, वीरगंजको आयोजनामा शनिवारदेखि वीरगंजको आदर्शनगर रङ्गशालामा सञ्चालन भइरहेको प्रथम वीरगंज गोल्डकप फूटबल प्रतियोगिता अन्तर्गत आइतवार दोस्रFे खेल सम्पन्न भएको छ ।
दोस्रFे दिनको खेलमा दुई नेपाली टीमले प्रतिस्पर्धा गरेका थिए, जसमा सङ्कटा क्लब विजयी भयो । चर्च ब्वाइज युनाइटेडलाई चार गोलअन्तरले पराजित गर्दै सङ्कटा क्लब विजयी भएको हो । सङ्कटा क्लबका समीर राईले खेल शुरू भएको २३औं मिनेटमा पहिलो गोल गरेका थिए । यसैगरी मध्यान्तरपछिको ३०औं मिनेटमा सङ्कटाका गणेश हमालले एक गोल र मध्यान्तरपछिको खेलको ३४औं र ४२औं मिनेटमा विदेशी खेलाडी फोफानो फोर्डले दुई गोल गरी चार गोलको अग्रता दिलाउँदै विजयी बनाएका थिए । खेलको ‘म्यान अफ दी म्याच’ फोर्ड भएका थिए ।
भोलि सोमवार नेपाल पुलिस क्लब र क्लाइभ हाउस दमदम कोलकाता, भारतबीच हुनेछ ।
