साउथ चलचित्र अहिले धेरैको रोजाइमा पर्ने गरेको छ । कोरोनाको कारण साउथ चलचित्रका कलाकारहरू पनि धमाधम सङ्क्रमित हुन थालेका छन् । मलयालम चलचित्रका स्टार ममूटी पनि गत शनिवार कोरोनाबाट सङ्क्रमित भए ।
२५ वर्षदेखि चलचित्र जगत्मा रहेका उनले शीर्ष अभिनेताको रूपमा ३८० भन्दा बढी चलचित्रमा अभिनय गरेका छन् । ममूटीलाई साउथको अम्बानी पनि भनिन्छ । ममूटी शानदार अभिनेताका साथै वकिल पनि हुन् ।
ममूटीलाई मलयालम चलचित्रमा डबल रोलको लागि चिनिन्छ । उनले करीब नौ चलचित्रमा डबल रोल गरेका छन् । साउथ इन्डस्ट्रीका दुई ठूला स्टार्स मानिने ममूटी र कमल हासनले कहिल्यै एकैसाथ चलचित्रमा काम गरेनन् । ममूटी एकमात्र मलयालम अभिनेता हुन्, जो तीनपटक राष्ट्रिय पुरस्कारबाट सम्मानित भएका छन् ।
ममूटी कुनै बेला वकालतमा आफ्नो करियर बनाउन चाहन्थे, यसैले उनले एर्नाकुलम ल कलेजबाट एलएलबीको अध्ययन पूरा गरे । ममूटी अभिनयको साथसाथै लग्जरी लाइफस्टाइलको लागि पनि चिनिन्छन् । उनीसँग करोडौंको सम्पत्ति छ । ममूटी भारु २१० करोड सम्पत्तिका मालिक हुन् । उनले आफ्नो कारहरूको लागि बेग्लै ग्यारेज बनाएका छन् । उनी कार आपैmं चलाउन चाहन्छन् । उनलाई ओडी कार निकै मन पर्छ । उनीसँग थुप्रै ब्रान्ड्सका एम्बेसडेर पनि छन् । सन् १९७९ मा उनले सुलफतसँग बिहे गरे । उनका दुईजना सन्तान छन् ।
ममूटीले सन् २००० मा एउटा धारावाहिक ज्वालयय निर्माण गरे, जुन लगभग दुई वर्षसम्म टेलिभिजनमा प्रसारित भयो । प्रोडक्शन हाउसको नाम मेगाबाइट्स थियो । ममूटी कारका शोखिन हुन् उनीसँग ३६९ वटा कारको कलेक्शन छन् । उनको धेरैजसो कारको नम्बर ३६९ छ ।
