प्रस, जीतपुर, १८ असार/
इलाका प्रहरी कार्यालय सिमरामा सरुवा भएका प्रहरी नायब उपरीक्षक मनोजीत कुँवरले सञ्चारकर्मीसँग भेटघाट गरेका छन् ।
पत्रकार सम्मेलनमा बोल्दै उनले प्रहरी र पत्रकारबीच नङ–मासुको सम्बन्ध हुनुपर्ने बताए । उनले अपराध नियन्त्रणमा सञ्चारकर्मीसँग समन्वय हुनुपर्ने बताए । प्रनाउ कुँवरले सञ्चारकर्मीहरूको सल्लाह, सुझाव र जानकारीबमोजिम काम गर्ने बताए । उनले यस क्षेत्रमा अपराध नियन्त्रण गर्न चौबीसैं घण्टा प्रहरी तयार रहेको बताए ।
प्रनाउ कुँवरले यसअघि आफू पर्सा जिल्लामा कार्यरत रहेको बताउँदै बारा जिल्लामा हुने आपराधिक क्रियाकलापबारे जानकार रहेको बताए । पत्रकार सम्मेलनमा नेपाल पत्रकार महासङ्घ बाराका अध्यक्ष्F रेशम तिवारीले सञ्चारकर्मीले माग गरेका सूचना, जानकारी प्रहरीले सजिलै उपलब्ध गराउनुपर्नेमा जोड दिए ।
