खाद व्यापारीको गोली हानी हत्या

राजेश केसरीवाल, रक्सौल, ३ चैत/
भारत, बिहारको हरसिद्धि मटिअर्वामा एकजना व्यापारीको गोली हानी हत्या गरिएको छ।
आफ्नै खादपसलमा बसिरहेका पवन गुप्तालाई दुईवटा मोटरसाइकलमा आएका चारजनाले गोली प्रहार गरेका थिए। गोली प्रहार गरी भाग्ने क्रममा स्थानीयवासीले एकजनालाई पक्राउ गरेको छ।
घटनाको विरोधमा स्थानीयवासीले सडकमा चक्काजाम गर्नुका साथै गोली प्रहार गर्ने समूहको एउटा मोटरसाइकल जलाइदिएका थिए।