प्रस, वीरगंज, २९ फागुन/
कालिकामाई गाउँपालिका–४ पशुरामपुरमा गएराति आगलागी भएको छ।
स्थानीय मजहर देवानको घरमा हावाहुरीको बेला खाना पकाउने क्रममा आगलागी भएको थियो। हावाको कारण चुलोबाट आगो उछिटिएर आगलागी भएको इलाका प्रहरी कार्यालय पोखरियाले बताएको छ। आगलागीबाट फुसको घर जलेर नष्ट भएको र घरमा रहेको भाँडाबर्तन, लत्ताकपडा, खाद्यान्न जलेर नष्ट भएको छ।
यसैगरी, गएराति नै चट्याङ लागेर बहुदरमाई नगरपालिका–४ बहुअरीमाको एक घरमा क्षति पुगेको छ। स्थानीय राधा साह तेलीको घरमा चट्याङ खस्दा घरमा रहेका विद्युतीय मिटरबक्स, पानी तान्ने मोटर, पङ्खासहितका विद्युतीय सामग्रीमा क्षति पुगेको साहले बताए।
