लालबाबू शेख प्रेस काउन्सिलको सदस्यमा मनोनीत

प्रस, वीरगंज, १८ फागुन/
वीरगंजका पत्रकार लालबाबू शेख प्रेस काउन्सिल नेपालको सदस्यमा मनोनीत भएका छन्।
मन्त्रिपरिषद्को मङ्गलवार बसेको बैठकले शेखलाई प्रेस काउन्सिलको सदस्यमा चार वर्षको लागि मनोनीत गरेको सूचना तथा सञ्चार प्रविधि मन्त्रालयका सहसचिव डिल्लीराम शर्माले बताए।
प्रेस काउन्सिलको सदस्यमा मनोनीत भएका शेखलाई आजै सिंहदरबारस्थित मन्त्रालयमा मनोनयनपत्र हस्तान्तरण गरिएको छ।