फूटबल र कबड्डी प्रतियोगिता जारी

प्रस, वीरगंज, ९ फागुन/
वीरगंज महानगरद्वारा सञ्चालित रनिङ शिल्ड प्रतियोगिता अन्तर्गत फूटबल र कबड्डीका खेल जारी छन्। रनिङ शिल्ड प्रतियोगिता अन्तर्गत फिल्ड इभेन्ट र ट्र्याक इभेन्टका प्रतियोगिताहरू जारी रहेको महानगरले जनाएको छ।
महानगरमा रहेका पचासवटा सामुदायिक तथा संस्थागत विद्यालय प्रतियोगितामा सहभागी छन्। आदर्शनगर रङ्गशालामा जारी प्रतियोगितासँगै फागुन १५ गतेदेखि रनिङ शिल्ड अन्तर्गत क्रिकेट प्रतियोगिताको आयोजना बताइएको छ।