प्रस, सिम्रौनगढ, १५ असोज/
निर्धन उत्थान लघुवित्त वित्तीय संस्थाले प्रकाशन गरेको समृद्धिको मार्ग–२०७७ नामक पुस्तक वितरण गरेको छ।
सिम्रौनगढ नगरपालिका–६ मा रहेको संस्थाको कार्यालयमा नगरपालिकाका लेखा अधिकृत सोमेन्द्र चौधरी, वडाध्यक्ष शङ्करसाह कानू र ऋणी सुगन्धी देवीलाई संस्थाको क्षेत्रीय कार्यालय वीरगंजका कार्यक्रम अधिकृत राधेश्याम सहनीले पुस्तक हस्तान्तरण गरेका हुन्।
निर्धन उत्थान लघुवित्त वित्तीय संस्थाको देशभरि ७७ जिल्लामा १८१ वटा शाखा रहेको र ती शाखामा १/१ जना ग्राहकको सफलताको कथा पुस्तकमा समेटिएको छ। सातवटै प्रदेशका १/१ जना सफल ग्राहकलाई रु ३० हजार नगद, कदरपत्रसहित प्रत्येक वर्ष सम्मानित गर्दै आएको सिम्रौनगढका प्रमुख हसमुद्दीन मियाँले बताए।
