प्रस, परवानीपुर, ८ माघ/
नारायणी रङ्गशालाको क्रिकेट मैदानमा जारी नेशनल इन्फोटेक कप क्रिकेट प्रतियोगिता अन्तर्गत मङ्गलवार दुईवटा खेल सम्पन्न भएका छन् ।
पहिलो खेलमा सेन्ट जेभियर्स र अल्पाइन मावि भिडेका थिए । जसमा सेन्ट जेभियर्स ५९ रनले विजयी भएको थियो । पहिला ब्याटिङ गर्दै १९.३ ओभरमा १० विकेटको क्षतिमा सेन्ट जेभियर्सले ११८ रन बनाएको थियो । ११९ रनको लक्ष्य लिएर जवाफी ब्याटिङ गरेको अल्पाइन मावि १३ ओभरमा ५९ रनमा सीमित भयो । उक्त खेलको ‘म्यान अफ दी म्याच’ सेन्ट जेभियर्सका २० रनको योगदान दिएका इमरान अन्सारी घोषित भए ।
यसैगरी, दोस्रो खेलमा नेशनल इन्फोटेक कलेजले ९६ रन अन्तरले हेटौंडा स्कूल अफ म्यानेजमेन्टलाई पराजित गरेको छ । पहिला ब्याटिङ गर्दै नेशनल इन्फोटेकले २० ओभरमा पाँच विकेटको क्षतिमा १३८ रन बनाएको थियो भने हेटौंडा स्कूल अफ म्यानेजमेन्टले १३.२ ओभरमा मात्र ४२ रनमा सबै विकेट गुमाएको थियो । उक्त खेलको ‘म्यान अफ दी म्याच’ एनआईका सलमान मन्सुर भएका थिए । उनले हेटौंडा स्कूल अफ म्यानेजमेन्टको तीन विकेट लिएका थिए ।
