प्रस, वीरगंज, ७ माघ/
वीरगंजको नारायणी क्रिकेट मैदानमा जारी नेशनल इन्फोटेक कप क्रिकेट प्रतियोगिता अन्तर्गत सोमवार दुईवटा खेल सम्पन्न भएका छन् ।
पहिलो खेल ग्लोबल बिजनेश कलेज र ज्ञानदा एकेडेमीबीच भएको थियो । पहिला ब्याटिङ गरेको ग्लोबलले निर्धारित २० ओभरमा १८.५ ओभरमा सबै विकेट गुमाएर ११३ रन बनाएको थियो । प्रतिउत्तरमा ज्ञानदा १९.३ ओभरमा सबै विकेट गुमाएर १०२ रन बनाएपछि ग्लोबल ११ रन अन्तरले विजयी भयो । ग्लोबलका आबिदबाबू ठकुराईले ५२ रन बनाएर ‘म्यान अफ दी म्याच’ घोषित भए ।
यसैगरी, दोस्रो खेल अल्पाइन कलेज र नेशनल एकेडेमीबीच भएको थियो । अल्पाइनले पहिला ब्याटिङ गर्दै छ विकेटको नोक्सानीमा १०३ रन बनाएको थियो । प्रतिउत्तरमा नेशनलले १७.१ ओभरमा विकेट नै नगुमाइ १०४ रनको विजयी लक्ष्य पूरा ग¥यो । १० विकेट अन्तरले विजयी भएको नेशनलका रवीन्द्रसिंह कुँवर ३५ रन बनाएर ‘म्यान अफ दी म्याच’ घोषित भए ।
