प्रस, सिम्रौनगढ, २५ पुस/
सनातन धर्म रक्षा मञ्च, सिम्रौनगढ को ७१औं सत्सङ्ग गोष्ठी बिहीवार सिम्रौनगढ नगरपालिका–६ अमरपुरमा सम्पन्न भएको छ ।
आत्मबोध समाज, हत्या–हिंसारहित, नशामुक्त, भेदभावरहित समाज निर्माण, स्वच्छ चरित्रवान् र नैतिकवान् समाज निर्माणको उद्देश्यले गोष्ठी आयोजना गरिएको हो ।
सो मञ्चमा सनातन धर्मसँग सम्बन्धित जयश्री राम, राधेराधे, ओम नमो नारायण, जय गुरुदेव, साहेब बनगी (कबीर), सचितानन्द, ओम शान्ति लगायत १२ वटा पन्थका अनुयायीहरूको सहभागिता थियो ।
मञ्चका अध्यक्ष ओमप्रकाश ठाकुरको अध्यक्षतामा भएको गोष्ठीको सहजीकरण सचिव वैकुण्ठ प्रसादले गरेका थिए । गोष्ठीमा सञ्जय शास्त्री प्रणामी, शिवपूजन साहेब, जगत पण्डित, तुलसी भगत र वैकुण्ठप्रसाद जयसवालले प्रवचन दिएका थिए । गोष्ठी प्रत्येक महीनाको अन्तिम बिहीवार नयाँ ठाउँमा हुने गरेको छ ।
