देशभक्त राजभक्त समूहले राजा वीरेन्द्रको जन्मजयन्ती मनायो

प्रस, वीरगंज, १४ पुस/
देशभक्त राजभक्त समूह पर्साले राजा वीरेन्द्र वीर विक्रम शाहको ८०औं जन्मजयन्ती मनाएको छ ।

वीरगंज महानगर–६ महावीर मन्दिर प्राङ्गणमा कार्यक्रम आयोजना गरी जन्मजयन्ती मनाएको हो । कार्यक्रममा समूहका अध्यक्ष दीपेन्द्रप्रसाद रौनियार, उपाध्यक्ष सतीशकुमार श्रीवास्तव, अब्दुल सतार अन्सारी, वीरेन्द्र थापा, अञ्जु राणा, जनकलाल साह, पृथ्वी झा, धु्रवसिंह ठकुरी, रविकुमार लाठलगायतले राजा वीरेन्द्रबारे मन्तव्य व्यक्त गरेका थिए ।