प्रस, वीरगंज, १४ पुस/
जिल्ला प्रहरी कार्यालय, बाराले लागूऔषधसहित एकजना महिलालाई नियन्त्रणमा लिएको छ । गएराति ११ः३० बजे जीतपुरसिमरा उपमहानगर–१ पथलैयाचोकमा प्रहरीले गौरबाट काठमाडौं जाँदै गरेको यात्रुवाहक बस चेकजाँच गर्दा डिक्कीमा लुकाइराखेको नोरफिन, डाइजोपाम, फेनारगन ३६०० थान बरामद भएको र बसमा सवार रौतहट कटहरिया नगरपालिका–७ बस्ने २१ वर्षीया मुस्कानकुमारी दासलाई नियन्त्रणमा लिएको बारा प्रहरीका प्रवक्ता प्रहरी नायब उपरीक्षक प्रकाश सापकोटाले बताए । उनले इन्जेक्सन बरामद भएपछि सो कार्यमा संलग्न दासलाई नियन्त्रणमा लिएको र थप अनुसन्धान भइरहेको बताए ।
