नरेश यादव, पर्सागढी, १३ पुस/
सखुवाप्रसौनी गाउँपालिका–१ सिद्धपुरमा जारी चौथो सिद्धपुर गोल्डकप फूटबल प्रतियोगिताको शनिवार फाइनल खेल सम्पन्न भएको छ । यस खेलमा बकुलिया बारालाई शून्यका विरुद्ध दुई गोल गरी आयोजक सिद्धपुर विजयी भएको छ । वनशक्ति युवा क्लब, सिद्धपुर मैदानमा भएको फाइनल खेलमा पहिलो हाफको १५औं मिनेटमा र दोस्रो हाफको २०औं मिनेटमा सिद्धपुरका खेलाडीले गोल गरेका थिए ।
पुष्पराज सिलवालको अध्यक्षतामा भएको समापन कार्यक्रमको प्रमुख अतिथि माओवादी केन्द्रका स्थानीय नेता शिवकुमार साहले विजेता र उपविजेता टीमलाई नगद, शिल्ड, मेडल र प्रमाणपत्र वितरण गरेका थिए । उनले खेलले युवाहरूलाई अनुशासित बनाउने बताए । उनले खेलको विकासमा तीन तहको सरकारले विशेष चासो देखाउनुपर्ने बताए ।
