नरेश यादव, पर्सागढी, १२ पुस/
सखुवाप्रसौनी गाउँपालिका–१ सिद्धपुरमा जारी चौथो सिद्धपुर गोल्डकप फूटबल प्रतियोगिता अन्तर्गत शुक्रवार भएको अन्तिम सेमिफाइनल खेलमा आयोजक सिद्धपुर पर्सा विजयी भएको छ ।
देकुली पर्सालाई शून्यका विरुद्ध एक गोलअन्तरले पराजित गर्दै सिद्धपुर पर्सा प्रतियोगिताको फाइनलमा पुगेको हो । आजको खेलमा पहिलो हाफसम्म दुवै टीमले बराबरी खेलेका थिए । दोस्रो हाफमा सिद्धपुरले गरेको पहिलो गोल यस खेलको निर्णायक साबित भयो । प्रतियोगिताको फाइनल खेल शनिवार आयोजक सिद्धपुर र बाराको बकुलियाबीच हुने आयोजक कमिटीका सदस्य सुभाष सिलवालले बताए ।
