चौथो सिद्धपुर फूटबलः बकुलिया सेमिफाइनलमा

प्रस, पर्सागढी, ११ पुस/
सखुवाप्रसौनी गाउँपालिका–१ सिद्धपुरमा जारी चौथो सिद्धपुर गोल्डकप फूटबल प्रतियोगिता अन्तर्गत बिहीवार सम्पन्न दोस्रो क्वार्टरफाइनल खेलमा बकुलिया, बारा विजयी भएर सेमिफाइनलमा पुगेको छ ।

जीतपुरसिमरा उपमहानगरपालिका अन्तर्गतका नगोल र बकुलियाबीच आज भएको क्वार्टरफाइनलमा बकुलियाले नगोललाई शून्यका विरुद्ध तीन गोलले पराजित गरेको हो ।

पहिलो हाफमा एक र दोस्रो हाफमा बकुलियाले दुई गोल गरेको थियो । आजको खेलको उत्कृष्ट खेलाडी बकुलियाका प्रवीण चौधरी घोषित भए ।