प्रस, वीरगंज, ६ पुस/
वीरगंज महानगरपालिका रेशमकोठीस्थित त्रिभुवन हनुमान माविका २०४३ सालको एसएलसी ब्याचका विद्यार्थीहरूले शनिवार गुरुहरूलाई सम्मान गरेका छन् ।
विद्यार्थी अगुवा सुशील बर्णवालको अध्यक्षतामा भएको कार्यक्रमको ज्येष्ठ नागरिक सङ्घ मधेस प्रदेशका अध्यक्ष एवं प्रतीक दैनिकका प्रधानसम्पादक जगदीशप्रसाद शर्माले उद्घाटन गरेका थिए । उनले गुरुहरूको सम्मान गर्ने परम्परालाई निरन्तरता प्रदान गर्न सुझाए । उनले त्रिभुवन माविका पूर्वप्रअ हीराकान्त चौधरीलाई मायाको चिनो दिएर सम्मान गरेका थिए ।
यसैगरी, कार्यक्रममा विद्यालयका पूर्वशिक्षकहरू सचितानन्द झा, विश्वनाथ राउत, शान्ता अधिकारी, सुरेन्द्रप्रसाद कानू, पृथ्वीप्रसाद चौरसियालगायतलाई पनि सम्मानित गरिएको थियो । कार्यक्रममा शिक्षक प्रदीप जैसवालले स्वागत र किरण सत्यालले सहजीकरण गरेका थिए ।
