प्रस, वीरगंज, ६ पुस/
वीरगंज कलेजको आयोजनामा शनिवार कक्षा ११ मा अध्ययनरत विद्यार्थीहरूको लागि एक दिने अभिमुखीकरण कार्यक्रम सम्पन्न भएको छ ।
वीरगंज महानगरपालिकाका प्रमुख प्रशासकीय अधिकृत अरविन्दलाल कर्णले अभिमुखीकरण कार्यक्रमको उद्घाटन गरेका थिए ।
कलेजका सञ्चालक डा दीपेन्द्र चौधरीको अध्यक्षतामा भएको कार्यक्रममा नेपाल उद्योग वाणिज्य महासङ्घका केन्द्रीय सदस्य सुबोध गुप्ता, कलेजका सञ्चालक एवं प्रमुख विनोद गुप्ता, सुरेशप्रसाद चौधरी, प्रशासन प्रमुख दर्शन केसी, वीउवासङ्घका वरिष्ठ उपाध्यक्ष हरि गौतम, नेपाल पत्रकार महासङ्घ पर्साका अध्यक्ष ओमप्रकाश खनाल, प्याब्सन पर्साका आलोक चौरसिया, पकाहामैनपुर गापाध्यक्ष मनोज गुप्ता, रेलवे माविका प्रअ प्रभुप्रसाद रौनियारलगायतको सहभागिता थियो ।
