प्रस, पोखरिया, ४ पुस/
पोखरिया नगरपालिका–३ वसन्तपुरमा श्रीमद्भागवत पुराण कथा महायज्ञको पूर्वसन्ध्यामा बिहीवार कलशयात्रा सम्पन्न भएको छ ।
सात दिने श्रीमद्भागवत कथाको लागि आज कलशयात्रा निकालिएको पूर्ववडाध्यक्ष अजयप्रसाद कलवारले बताए । उनले गाउँमा शान्ति सुव्यवस्थाको लागि यज्ञ आयोजना गर्न लागिएको जानकारी गराए । पुस ५ देखि १२ गतेसम्म सात दिन लाग्ने महायज्ञमा महन्त शेषनाथ दास वैरागीको नेतृत्वमा आज कलशयात्रा निकालिएको थियो भने भारतका सन्त श्रीकान्तमणि त्रिपाठीले यज्ञमा सात दिनसम्म कथावाचन गर्ने पूर्ववडाध्यक्ष कलवारले बताए ।
