प्रस, पोखरिया, २० मङ्सिर/
धोबिनी गाउँपालिकाको धोबिनीस्थित ब्लू एकेडेमीले वार्षिक खेलकूद कार्यक्रम सम्पन्न गरेको छ ।
वार्षिक खेलकूद कार्यक्रमको एमाले मधेस प्रदेश कमिटीका सदस्य सलाउद्दीन अहमदले उद्घाटन गरेका थिए । उनले विद्यालयस्तरबाट खेलकूदमा विद्यार्थीहरूलाई सहभागी गराउँदा सिकाइ विद्या पाएर भविष्य उज्ज्वल हुने बताए ।
उनले यस प्रकारका गतिविधिले विद्यार्थीहरूको आत्मबल बढ्नुका साथै विद्यार्थीहरू अनुशासित हुन मदत पुग्ने बताए ।
विद्यालयका प्राचार्य सुनील पटेलको अध्यक्षतामा भएको कार्यक्रममा उत्कृष्ट भएका विद्यार्थीहरूलाई पुरस्कृत गरिएको थियो ।
