पत्रकार खड्काको निधन

प्रस, वीरगंज, १७ मङ्सिर/
पूर्वप्रतीककर्मी पत्रकार सरोज खड्काको सोमवार राति निधन भएको छ ।

वीरगंज महानगरपालिका–११ मुर्लीस्थित निवासमा हिजो राति ११ बजे पत्रकार खड्काको मृत्यु भएको ज्वाइँ नीरज साहले बताए । ६२ वर्षीय खड्का विगत केही दिनदेखि अस्वस्थ थिए । उनको नारायणी अस्पताल वीरगंजमा बे्रेन ट्युमरको शल्यक्रिया भएको थियो भने त्यसपछि फोक्सोमा क्यान्सर देखिएको थियो । स्व खड्काका दुई छोरा र दुई छोरी छन् । उनको मङ्गलवार बिहान अशोकवाटिकास्थित श्मशानघाटमा अन्तिम संस्कार गरिएको छ ।